⁣

Amaĺ dziesiać hadoŭ išla praca nad prajektam rekanstrukcyi Nacyjanaĺnaha akademičnaha Vialikaha teatra opiery i balieta Respubliki Bielaruś. Jašče try hady doŭžylisia kapitaĺny ramont i hruntoŭnaja madernizacyja budynka i sceničnaj pliacoŭki. U sakaviku 2009 hoda, praz siemdziesiat hadoŭ paślia adkryćcia hmachu, uźviedzienaha pa prajekcie architektara Iosifa Lanhbarda, teatr uračysta adśviatkavaŭ svajo druhoje naradžeńnie.

Teatr opiery i balieta za svajo doŭhaje žyćcio źviedaŭ niekaĺki rekanstrukcyj, pieršuju z jakich zrabiŭ sam aŭtar prajekta Iosif Lanhbard adrazu paślia Vialikaj Ajčynnaj vajny. Napryklad, u siamidziasiatych hadach minulaha stahoddzia nad budynkam źjaviŭsia skatny dach, abo kupal, jaki mastactvaznaŭcy žartam nazvali «biezhustoŭnym parasonam».

Sučasny źniešni voblik vieličnaha budynka i interjery paślia maštabnaj rekanstrukcyi nabyli pieršapačatkovy vyhliad, jaki byŭ zadumany architektaram pry ŭźviadzieńni teatra.

Unutry teatr uražvaje svajoj raskošaj. Padloha faje zrobliena ŭ technicy flarentyjskaj mazaiki z dzieviaci vidaŭ hranitu. Unikaĺnyja maliunki nidzie nie paŭtarajucca. Stylizavanyja kvietki, zorački, arnamientaĺnyja matyvy stvarajuć adčuvańnie dekaratyŭnaj strohaści, paradnaści.

Adnoŭliena mnostva dekaratyŭnych eliemientaŭ. 3 hetaj metaj restaŭrataram davialosia skrupuliozna vyvučać archiŭnyja dakumienty, eśkizy i staryja fotazdymki. Pozirk spyniajecca to na marmurovych partalach1 z liusterkami, to na drapiroŭkach akonnych štor, to na miedaĺjonach z bareĺjefnymi partretami dziejačaŭ kuĺtury, jakija ŭpryhožvajuć faje. Paradny vyhliad nabyla i lieśvica: prystupki zroblieny z hranitu, a parenčy — z marmuru.

U faje na śpiecyjaĺnych tumbach stajać teatraĺnyja liaĺki: skrypač, vijalančelist, dama i kavalier z francuzskaha balieta ŭ pyšnych baročnych kaściumach. Kampazicyja pieradaje duch teatraĺnaha vidovišča.

Na barvovaj tkaninie zaslony zalatymi nitkami vytkany vyjavy lir pa maliunkach Lanhbarda. Tkanina heta pryznačana śpiecyjaĺna dlia teatraĺnych zalaŭ, nie haryć i nie paharšaje akustyki.

Zakuliśsie taksama ŭražvaje sučasnym vyhliadam, naviznoj dyzajnu. U ofisnych i repietycyjnych pamiaškańniach pieravažajuć śvietlyja adcieńni kolieru ścien. Pa kantraście z imi bahata vyhliadaje ciomna-višniovy kolier voknaŭ, dźviarej, mebli. Paŭsiuĺ pryhožyja lieśvicy, prastornyja kalidory.

Najvažniejšy eliemient rekanstrukcyi teatra — madernizacyja technalahičnaha abstaliavańnia sceny. Haloŭnaja scena i arkiestravaja jama pracujuć na hidrapravadach. Scena raźbita na dvaccać adnu pliacoŭku, kožnaja z jakich moža ŭźnimacca na patrebnuju vyšyniu i mieć peŭny vuhal nachilu. Jany transfarmujucca ŭ zaliežnaści ad zadumy mastaka i režysiora. Padloha ŭstanoŭliena z nievialikim nachilam da zaly, kab hliedačy mahli adnoĺkava dobra bačyć usich artystaŭ. Praduhliedžana taksama mahčymaść pavieličeńnia sceny za košt padjomu arkiestravaj pliacoŭki.

Toj, chto trapliaje ŭ teatr jak hliadač, pierakanany, što tut čatyry pavierchi. Na samaj spravie ich ažno adzinaccać. Nad raśpisnym plafonam zaly i liustraj znachodzicca zusim nie dach, a try pavierchi. Adzin z ich addadzieny studyi, dzie raśpijevajucca dekaracyi.

Na fasadzie abnoŭlienaha budynka ŭstanoŭlieny skuĺpturnyja kampazicyi z bronzy-. Dobraŭparadkavana pryliehlaja da teatra terytoryja. U centraĺnaj aliei parku znachodzicca siamiŭzroŭnievy fantan. Na dyjahanaĺnych aliejach źjavilisia parkavyja skuĺptury: zakružylisia ŭ tancy try balieryny, syšla z teatraĺnaj lieśvicy pryma. A kalia službovaha padjezda prysieli adpačyć balieryny ŭ puantach1.

Takim čynam, vieličnaje zbudavańnie, jakoje stala vizitnaj kartkaj stalicy, maje šykoŭny i prezientabieĺny vyhliad, vyklikaje cikavaść, uražvaje i zaŭziatych teatralaŭ, i amataraŭ.